Aizawl : Mizorama a hmasa ber turin Laparoscopy hmanga Pancreas Cancer zai a ni.
Zoram Medical College and Hospital, Falkawn-ah ril leh pum lam (Gastroenterology) zir hona leh Surgical Workshop chu Thawhtanni khan neih a ni a. He workshop hi Department of Surgery, ZMC&H leh Association of Surgeons of Mizoram te tang hoa buatsaih niin, Mizoram-a a hmasa ber turin Pancreas Cancer chu verh (Laparoscopy) in zai a ni.
He Gastroenterology zirhonaah hian Manipal Hospital, Salt Lake, Kolkata atanga lo kal doctor te’n Pancreas Cancer hi an khawih a. Dr. Benjamin Khiangte, Medical Gastroenterologist (Gastro & Liver Clinic) nen tang hoin Endoscopic Ultrasound (EUS) chu a mamawh damlo mi pariat tan a thlawn vekin an tihsak bawk.
EUS hi sorkar hospital-ah Mizoram-ah kalpui vawikhatna a ni bawk.
ZMC&H doctor-te chuan EUS khawl chu khawl tangkai tak a nih thu leh Mizoram pawna damlo thenkhat refer ngaih chhan a la nih avangin mipui tam zawk ban phaka sorkar hospitala neih ve theih hunah chuan harsatna tam tak a sutkian ngei an beisei thu an sawi.
He hun hi Prof. Zoramthara Zadeng, Director, Prof Lalnunmawii Sailo, Medical Superintendent leh Prof C. Vanlalhlua (Sub Dean, Hospital) ten an telpui bawk.