Aizawl : Chin National Day vawi 78-na chu Thawhtanni khan Delhi-ah hman niin, Delson Notlia, MDC MADC/General Secretary BJP Mizoram Pradesh chuan khuallian niin a hmanpui a, UNHCR India Chief of Mission Areti Sianni pawhin a telpui bawk.
Khuallian Delson-a chuan Zofate chhul khat kual an nihzia leh Pathian hnam thlan an nihzia te sawiin, inpumkhat a pawimawhzia te a sawi a, Zohnahthlak hnam peng hrang hrang zingah Mizote chu fa u chan changin, NGO, Kohhran leh sorkar chenin an unaute tan an din reng tur thu a sawi.
MADC-a MDC Delson Notlia hi Delhi a cham chhungin Union Tribal Minister, DONER Minsiter leh Minority Affairs Minister te hnenah Mizoram mamawh hrang hrang a thlen bawk.
Chin National Day lawmnaah hian Zohnahthlak hnam hrang hrang aiawhte pawh an kim tha hle.