Hnute cancer nei a ni a, zai pawh a tawk tawh a, mahse vawiin thlengin uluk taka inenkawlin film hial a la chang thei.
Angelina Jolie enkawltu leh a cancer zaitu doctor Dr. Kristi Funk chuan tunhnai khan he thu hi sawichhuakin, Jolie inenkawl dan chu fakawm a tih thu leh entawn atan midang pawhin nei se a duh thu a sawichhuak.
Dr. Funk chuan mi tam zawkin an hmuh ngai loh a hlim hmel phena a lungngaihna hrang hrang hretu ka ni a, a chau ve thin hle. Mahse, a fate leh a chhungkaw tan theihtawp a chhuah reng a, beidawnga siam a duh ngai lo. Amah a inenkawl uluk a, hun a hmang tha a, a hnute cancer hi awm tawh lo tluk a ni tawh, a ti.
‘A inuluk dan leh dam tura a inenkawl dan hi pui tak a ni. A huaisenna, a duhthlanna leh a chanchin hrang hrang hi a bua siam tham a ni,’ Dr. Funk chuan a ti bawk.
A natna chungchang hi Jolie pawhin lo sawichhuak ve tawh bawkin, beidawn hi ka tum lo a, ka fate tana nu tha ber ni a, an duh leh mamawh zawng ngaihtuahsak hi ka nuam tih ber a la ni reng. Vawiin thlenga film lama ka la inlan theih chhan hi ka hriselna ka ngaih pawimawh hmasak thin vang a ni. Ka natna hi ngaihtuah ngai lo ka ni bik lo, mahse hma hun eng zawnga hman hram hram hi ka duh ber a ni fo thin, a ti bawk.
Jolie nu, lemchan thiam ve tho Marcheline Bertrand hi cancer vang bawkin kum 2007 khan kum 56 mi niin a lo boral tawh a, Jolie chuan a cancer zui ve tak mai avanga hun kal tawh ngaihtuaha indawmkun mai a tum loh thu a sawi.