Information & Public Relations Department leh Mizoram Film Development Committee bultuma buatsaih, film tawi siam inelna hmawrbawkna hun chu thawhlehni chawhnu khan Mini Theatre, Lianchhiari Run, Treasury Square, Aizawlah neih niin, B. Lalchhanzova, Minister, IPR&PS chuan a hmanpui.
IPR&PS Minister chuan Film ngaihhlut hlawh tak takte, hlawhtlinna leh chawimawina dawngte han chik hian, an Film siam second tin hi awmze nei takin an duan thin thu a sawi a, hun hman dik leh hman thiam a pawimawhzia tarlanna pakhat a nih thu a sawi bawk.
Mizo Short Film Competition 2026 atan hian February ni 16, 2026 thleng khan minute 10-15 a sei, Film 41 a lut a. Judge-ten uluk taka an endik hnuah result hi puan a ni. Pakhatna lawmman hian cheng 2,50,000 , Pahnihna lawmman hian cheng 1,25,000 leh Pathumna lawmman hian cheng 70,000 a keng tel a. Consolation Prize mi panga tan cheng 30,000 theuh a tel bawk a ni.
Mizo Short Film Competition 2026 lawmman dawngtute chu:
1st Prize – Maimizial – Raymond Colney
2nd Prize – Zualtei Pa – H.Lalsangzela (Zote Entertainment)
3rd Prize – Nunna – Lalrohlua Renthlei (Phaidung Studio)
Consolation Prize dawngtute
- Chanchinbumi- Christo Pa
- Noodles soup – Margaret B.Lalmuanawmi
- Vindicta – David Sanga
- The Unforgiven Silence – Ruatfela Mart Khiangte
- Thangthawvenga – Hruaitea Hauhnar