Ukraine ram hruaitu Volodymyr Zelensky chuan an ram chu Vladimir Putin-a tihchhiat mai mai theih an ni lo tih sawiin, an ram tan chuan Indopui II-na hnua thisen chhuah tam berna pawh thleng chho mahse an beih zel dawn thu a sawi.
Moscow in a beih kum 4-na puala a thuchhuah siamah Zelensky chuan an ram chuan February 24, 2022 atang khan Moscow atanga tul lo taka beihna kan dawng tan a, mi sang tam tak an thih phah a, kan ram hmar lam hmun tam tak a chhe tawh bawk, a ti.
US kaihhruaina hnuaiah inremna zawngin inbiakna awm ve thin mahse vawiin thlengin a la hlawhtling thei lo a, kan ram duh dan angin engmah thil thleng a la awm lo, mahse kan ram tan theihtawp erawh kan chhuah zel ang, a ti bawk.
An ram thupuangtu Dmitry Peskov chuan an thil tum leh duhnate la hlawhtling famkim lo mahse an sipaite chuan theihtawpa chhuaha beihpui thlak reng an la inhuam thu a sawi a, an bei zel dawn a ni, a ti zui bawk.
Hetihlai hian Ukraine president Zelensky chuan remna a awm theih nan engkim tih an inpeih reng thu a sawi a, indo an tanlaia an sipaite hnathawh hrang hrang a tarlang tel bawk a ni.