Aizawl : Mizoram Cooperative Apex Bank Ltd. Board of Directors Meeting chu Head Office, Tuikual South-ah nimin khan neih niin, load dilna 97 pek an rem ti.
Mizoram Cooperative Apex Bank Ltd. Chairman Lalnunsanga kaihruai thutkhawmah hian loan dilna 97 pek an rem ti a. Heng loan dilna hrang hrang te hi mi mal leh pawl atangin agriculture, sumdawnna, Banakaih (Handholding) leh Biak In sakna loan te an ni a. A vaia loan pekchhuah remtih zat chu Rs vbc 27.30 a ni.
Tun dinhmuna Apex Bank-a deposit hi Rs vbc 1,796 niin, loan pek chhuah hi Rs vbc 1,263 a ni a. Sum kawl atanga loan pekchhuah tehfung CD Ratio hi zaa 70 a ni mek.
Apex Bank hian Branch 35 nei mekin, tun Financial Year hian Zemabawk leh Saipumah te Branch thar hawn belh an tum a ni.