Aizawl : I&PR Minister B. Lalchhanzova’n Ningani khan Aizawl Press Club a tlawh a, Aizawl Press Club chhunga inthiarna tuaihnum nan MJA Gen. Hqrs. kutah Rs.50,000 a hlan.
I&PR Minister chuan Aizawl Press Club chu tunhma atangin vawi engemawzat a kal ve fona thin a nih thu te, ZPM kaihhruai sorkarah hotute remruatnaa I&PR department a enkawl hnuah, a hun chhungin a theih ang anga journalist te welfare ngaihtuahpui a tum thu te leh Press Club tuaihnum zel te pawh mawha a lak thu a sawi.
Aizawl Press Club tuaihnumna atana Rs 50,000 a pek hi I&PR Minister B Lalchhanzova’n MJA Vice President C Lalhmachhuana kutah a hlan a ni.
MJA hruaitute, Aizawl Press Club-a minister lo dawngsawngtu te chuan lawmthu sawiin, journalist te hmakhua leh Press Club tuaihnum zel chungchangte an sawiho a, hnathawh mekte an enkual nghal.
I&PR Minister hi ZPM party hruaitu thenkhatin an tawiawm a ni.