Israel tlawha zin mek prime minister Narendra Modi chu nilaini khan Israel parliament-ah inlanin, chawimawina sang ber “Speaker of the Knesset Medal” hlan a ni.
Parliamenta-ah hian Modi hian thu sawiin, a thusawi zawhah Knesset Speaker Amir Ohana chuan chawimawina hi a hlan a, India leh Israel inkara thawhdunna tha zawk leh hlawkthlak tak awmzui ta hriatrengna atana hlan a nih thu Ohana chuan a sawizui bawk.
PM Modi hi khawvel ram hruaitu dangte tawn ngai loh ang tak tawngtu niin, Israel leh Palestine ram atangin chawimawina sang hi a dawng ta a, kum 2018 khan Israel nena inhal tak Palestine a tlawh tumin ram hruaitute tana chawimawina sang ber ‘Grand Collar of the State of Palestine’ hlan a lo ni tawh bawk a ni.
India leh Israel te hian insumdawntawnna tur, engmah chawi belh ngai lo tur chi an duangin, an sawiho a, Modi chuan Israel nena insumdawntawnna tur chuan rahtha a chhuah ngei a beisei thu sawiin, ram pahnih tan inunauna kawng tha zawk a hrinchhuah ngei a beisei thu a sawi bawk.