A pasal Keith Urban nen an inthen hnuah Nicole Kidman chuan hmangaihna lam a ngaihtuah rih tawh loh thu sawiin, kawppui neiha ngaihzawng han neih vel pawh a ngaihsak rih tawh loh thu a sawi.
Tun hnaia an kawmnaah Nicole chuan, tuna ka awm dan hi a tawk rih viau a, inngaihzawnna lam hian ka nun min tibuai rih lo. Ka hmanhmawh lo a, engmah hi lungkham em em ka nei rih lo, hahdam taka awm rih phawt hi ka tum a ni ber rih, a ti.
Kum 58 mi hi September thla khan a pasal Urban,58 nen inthenin, Kidman hian inthenna lehkha a thehlut a, a pasal chungchanga an zawhna chu, “Hlimna nei se, hmakhaw eng tak nei se tih hi ka duhsakna ber a la ni reng,” a ti bawk.
Nikum September 30 khan Kidman hian inthenna lehkha thehlutin, a pasal Urban nen an inrem theih tawh ngang loh thu a sawi a, kum 19 zet inzui tawh nimah ila kan inrem thei ta ngang lo a ni, ti bawkin, January 6 khan an inthenna hi an tifel a ni.
Kidman leh Urban te hian fanu pahnih nei hmanin, Sunday Rose,17 leh Faith Margaret,15 te chu thuneihna inang hmangin an enkawl dun mek a, Kidman hian a pasal hmasa Tom Cruise nen fanu Bella,33 leh fapa Connor,31 a lo nei tawh bawk a ni.