Assembly session neih mek a ni a, kan aiawha roreltute chetla leh thusawi mipuiin kan ngaithlain, kan lo en nitin a, a hlawkthlak thin viau.
Hetihlai hian kan ram hruaitute an nih avangin tawngkam mawi lo leh tul lova inbeih vak vaknate hi min tihbosak hret hret a hun viau tawhin a lang.
Hun hmasa lam atangin kan rorelna in sang berah hian tul lova inauh buaina leh tawng thei lek lova insiamna ang hi a lo awm leh zeuh zeuh thin a, hei hi vai ram lam rorelna inpui kan entawn vang emawni chu aw a tih theih.
Mizote hi kan danglam a, ramdang leh state dang atangte pawhin kawng thenkhata fak kan hlawh chhoh viau tawh lai leh kan dinhmun a duhawm chhoh tawh viau lai hian mawi lo dawn dawn awm leh thin hi a pawi a, kan tih reh hret hret zel a va tha em.
Kan rorelna in sangah pawh hian thu pass tur a ni emaw, tuten emaw an duhnate an lo sawi ve pawh a ni thei, tul lova lo in auh buai leh tawng thei lek lova lo insiam hi kan chin loh chhoh zel a va tul em.
Hun tiam nei theuha hun pek an ni thin a, hemi chhung na na na hi chuan inzahsak tawn se la, kan rorelna in sang ber hi zahawm taka a awm a, midangte hmuhah pawh a lan mawi zel theih nan kan roreltute hian hun hmang thiam mawlh teh se. Kan mizia a tel ngai lo vai rilru pu chunga rorel hi kan ang chho telh telh zel palh ang e.