Inrinni khan MPSOA Conference Hall, Bungkawn, Aizawlah M. Lalmanzuala, IAS (retd) chuan Tlanglian Academy chu a mamawh apiangte tan a tlangzarh. He hun hi Zirsangpuii, Tlanglian Academy Ambassador in a kaihruai a, Rev. Dr. R. Lalbiakliana’n hunserh hmangin, thusawina hun mi thahnem takin an nei bawk.
He Tlanglian Academy hi official launch hma pawhin hun rei tak a lo kal tawh a; inrinni khan official launch program hman a ni. A tum ber chu – Mizo zirlaite Aizawl pawna khawsa, khawpuia awm remchang lo te, sum leh paia harsa zawk te, coaching class pangngai kal remchang hman lo buai tak takte leh awlsam leh hlawk zawk si a lecture tha tak tak ngaithla duhte tana duan a ni a. Appstore leh play-store lamah download theih niin, app chhunga in register fel hnuah app kaltlanga class te hi chhim a, live interaction leh test te pawh neih tur a ni.
Zirlaite tan hetiang man tlawm zawk, tha zawk leh samkhai zawka zirna tha chhawpchhuah a ni tur chu ram leh hnam tan pawha thil hlu leh Pathian thu tak a nih thu Manzuala chuan a sawi.
Second session ah discussion hlawk tak neih niin, C. Lalnundika, research scholar, MZU in a kaihruai a, Zonuni Ralte, Dr. C. Lalengkima leh Malsawmsanga te panelist an ni.