Gigi Hadid leh Bradley Cooper te chu New York lamah inhaw lo taka an inkai hmuh niin, an hlim dun hle niin a lang.
Kum 30 mi Gigi leh kum 51 mi Cooper te hi an kawppuite an then hnu ve vea intawng niin, October 2023 daih tawh khan an lo inzui tan tawh nia sawi an ni a, mahse an theih ang anga vantlang laka inthupin, May 2025 khan official takin an thlalak dun IG lamah an rawn tarlang ta chauh thung.
Hemi hnu pawh hian thawm nei zui em em lovin, vantlang hriata han inzui leh hmuh zui tur an awm lo hle a, kartawp khan New York lamah inhaw lo taka an inkai ral ral lai hmuh leh a nih tak avangin an inkawp nghet tawh viau nia rinna a lian hle.
Report thenkhat chuan la innei chiah lo mahse in khatah an khawsa dun reng tawh niin an sawi a, finfiahna erawh engmah a la awm thung.
Kum 30 mi Gigi chuan an thlalak dunna pakhatah chuan a caption-ah mi vannei tak a nih thu leh a bulah chuan thlamuanna leh hahdamna zawng zawng a awm thu a sawi a, kawppuite laka a beisei zawng zawng a hmuh thu leh a chhungte thlenga an thlamuanpui a nih thu a lo sawi zeuh tawh bawk a ni.