Aizawl : Tourism Minister Lalnghinglova Hmar hian inrinni khan Sakawrhmuituai tlang, Sakeikhawthlir, Muthi leh Laipuitlang-a Tourism hmun chei that tura ruahmante a tlawh a, khawtlang hruaitute inkawmin hmalak dan tur ruahmanna an siam nghal.
Heng hmun hrang hrang a tlawhnaah hian Lalnghinglova Hmar chuan, Mizoram hmun hrang hranga khualzin hip theihna hmun tha, tourism potential-te chu chei that a, tichangtlun turin ruahmanna siam a ni tih a sawi a. Sorkarin a chei that dan turah ruahman sa deuh nei mah se, a hrechiangtu khawtlang hruaitute rawt a, an duh dan ngaithla chunga a tha thei ang bera hmalak tum a ni tih a sawi a. Khualzin hipna tur hmunhma an neih te chu khuarel mawina tichhe lo thei ang bera chei that tum a nih thu a sawi.
Mizorama tourist site chei thatna atan hian SASCI Part-II, 2025-2026 hnuaia ‘Development of Tourist facilities & attractions to Global Scale in the state of Mizoram’ hnuiah Rs vbc 250 hmuh a ni tawh a. Hemi hnuaiah hian tourist site hrang hranga hmasawnna ruhrel siam bakah tourist lodge pawimawh bik chei that te, wildlife sanctuary beh chhana wildlife tourism kalpui te, water sports adventure hmun tur siam te, paragliding thlawhna tur siamte a tel a ni.
Minister hi Tourism Director R. Lalrodingi leh officer dang ten an tawiawm a ni.