Aizawl: BJP Mizoram chuan MZP-in Mizoram chanchina hun hrehawm leh thim lai ber hriatrengna atana Zoram Ni an hmang thin chu an tawmpui thu leh lawmawm an tih thu an sawi.
BJP Mizoram chuan March ni 5, 1966-a khatih laia Indira Gandhi kaihhruai Congress sorkarin, a ram chhung mi, Mizoram nasa taka jet fighter hmanga a beih a, a nghaisakna leh Mizoram hmun hrang hrangah bomb te thlak a, pawi sawi lo mi tam tak tawrhna te kha an theihnghilh ngai dawn lo tih an sawi a. Khatih hun laia Congress sorkarina jet fighter hmanga bomb an thlak te pawh ration thlak tia an sawi duh mai te kha Mizo mipui zahlohna leh hmuhsitna tawp ah an ngaih thu sawiin, a ram chhung mi te bei duh Congress party hi Mizoram mipuite hmelma an ni tih an sawi.
India ram Prime Minister Narendra Modi-a’n Parliament House-ah Mizoram mipui thlavang a hauh kha lawmawm an tih thu an sawi a. Central-a sorkarna chelh tawhte ah Mizoram mipui thlavang hauh ngam awmchhun an ni chu PM Modi hnenah pawh lawmthu an sawi tih sawiin, tumah en hran leh thlei bik a neih lohnate chu Mizoram mipuite pawh a taka hmutu an ni tih an sawi.