Tennis star, mi tam tak duh rawn Aryna Sabalenka chuan a kawppui Georgios Frangulis hnen atangin March 3 khan inhualna zungbun a bun a, intithei leh chhuang takin a pholang ve nghal.
Hre zawkte sawi dan chuan an inhualna zungbun man hi a tam hle a, rangkachak carat 12 chuang zet awmna nia sawi a ni.
Kum 27 mi, Sabalenka-i leh a kawppui hi thla tam tak lo thawkdun tawh niin, a tennis khelhna kawngah pawh a lo tawiawm nasain, theihtawp a chhuahpui thin a, a dawngtu pawhin a zungbun chu chhuang taka social media lama tarlang nghalin, ‘Ka tan chuan zungbun danglam bik, ka thinlung zawng zawng awmna a ni,’ a ti.
Sabalenka leh Frangulis te hi kum 2024 April thla atang khan an inzui tan nia sawi a ni a, hei hi Sabalenka bialpa hlui Konstantin Koltsov boral hnu thla khatnaah nia sawi a ni bawk.
An pahnih hian vantlang hmaah pawh lo hmuh zeuh zeuh tawh niin, Sabalenka-i’n US open a khelh lai pawh khan a hmunah a lo tawiawm tawh a, interviewer te hmaah pressure a neih phah lem loh thu thlengin a lo sawi tawh a ni.