Aizawl: PWD Minister Vanlalhlana’n Sairang to Kawnpui via Khamrang kawng (National Highway 306) chhia repair nan 2025-2026 chhungin Public Works Department kaltlangin Rs 7,73,34,994.14 sen ral a nih tawh thu house a hrilh.
Assembly Session neih mekah Ningania zawhna leh chhanna hunah MNF member pahnih Lalrinsanga Ralte leh K Laldawngliana te zawhna intawm a chhan danin, PWD Minister Vanlalhlana’n National Highway 306 Sairang to Kawnpui via Khamrang kawng chhia repair nan 2025-2026 chhungin Mizoram sorkar-in PWD kaltlangin Rs 7,73,34,994.14 sen ral a nih tawh thu a sawi.
PWD minister hian National Highway – 306 Sairang to Thingdawl inkar kawng hi National Highways & Infrastructure Development Corporation Limited (NHIDCL) ten an siam tha mek tih a sawi a. Kawng siam mek hi June 2026-a zo turin an inruahman tih a sawi.
NHIDCL hnuaia hna a nih avangin Mizoram sorkar-in tun kawng siam that hna atan hi chuan sum a seng lo tih a sawi bawk.