Tun hnai khan Lady Gaga chuan a kawppui Michael Polansky nena chhungkaw din tura inneih zai rel an tum thu a sawichhuak ve ta.
March 6 khan kum 39 mi Gaga hi Bruno Mars-a iHeart Radio livestream-ah kawm niin, hemi chungchang hi a sawichhuak a ni.
Gaga chuan Bruno hnenah a kawppui nena inneih lam an hawi tawh thu leh inneih thuai an tum thu hi a sawi a, a tana hla rawn nei turin a sawm nghal bawk.
Bruno pawh hian hlim taka lo chhang nghalin, rimawi hriat nuam ber a va ni em, ka thian duhtak Gaga, a ti a. I pasal tur Michael nena in pual liau liauin hla mawi tak sa chhuak turin ka inpeih e, a ti ve nghal a ni.
Gaga leh a kawppui Polansky te hi kum 2020 kumthar hmuahna party-ah hmuh dun hmasak ber niin, hemi tum hi Las Vegas-ah inhaw lo taka an infawp lai hmuh an ni a, kum 2024 khan inhualna an nei zui bawk.
Tunah erawh an inzuina leh inhualna zawng zawngte chu nemnghet zui chho zelin inneih zai an rel dawn ta a, an inneih hun tur erawh tarlan la ni lo mahse kumin chhung chuan ni tura ngaih a ni thung.