Oslo-a US embassy-ah Pathianni zing khaw var hma khan thil a puak niin Norway police-te chuan an sawi.
Norway khawpuia he hmunah hian tualchhung huna zing 01:00 (India-a zing dar 05:30) vel khan puakin ‘a tul ang pawimawh tam tak’ thawn a ni tih police-te chuan an sawi nghal.
“Police-te hi embassy nen an inbe mek a, hliam tuar an awm lo,” tiin thuchhuah chuan a tar lang.
Tunah hian ‘eng thil chiah nge thleng tih leh tute nge inrawlh tih hriat theih a la awm lo’ tih a sawi bawk.
Embassy hian chhiatna tenau a tawk niin chanchinbute chuan an tar lang hlawm a. Palai awmna hmuna US hnathawkte hian engmah an la sawi lo.
Police-te chetlaknaa hmahruaitu, Michael Dellemyr-a chuan Norway-a public broadcaster NRK hnenah puak hi building chhunga vantlang luhnaah a nih thu a sawi.
US embassy hi Oslo khawpui chhunga Morgedalsvegen district-ah a awm a, khawpui laili atanga km 7vela hlaa a ni.