Aizawl: North Eastern Council (NEC) chuan hmarchhak bial puma hmasawnna hna hrang hrang thawh nan a sem chhuah zingah, Mizoram chuan Rs 5,73,69,245 a dawng.
NEC hian February 2026 chhung khan hmarchhak bial puma hmasawnna hna hrang hrang thawh nan Rs 67,41,09,587 a sem chhuak a. He sum sem chhuah zingah hian Mizoram chuan Rs 5,73,69,245 a dawng.
Heng sum hmangin Mizorama project pawimawh, heng West Phaileng Market Building: Mamit District-a thlai thar zawrhna hmun (Market Building) sakna tur te, Potato Seed Farm: Tissue Culture leh ARC thiamna hmanga Alu chi tha siam chhuahna tur te, Central Medical Warehouse, Aizawl: Damdawi leh inenkawlna hmanrua vawn thatna leh sem darhna hmunpui dinna tur leh State Veterinary Information and Resource Centre: Ran vulhtute tana thiamna leh hriatna thar inhrilh hriatna hmun dinna tur te a ni.