Zaithiam Ellie Goulding chuan a bialpa Beau Minniear nena an fa hmasa ber ni turin March 6 khan fanu a neih thu a sawi a, hei hi ni khat liamta khan a rawn sawichhuak.
Fanu duhawm tak, hrisel tha tak ka nei ta. A hmeltha a, ka engkima engkim hian a hmangaih ngawih ngawih mai a ni, tiin a fanu thar chungchang hi a sawi.
Ka fapa in nau duhawm tak a nei ta a, ka tan chuan anni unau hi ka khawvelte an ni a, kan angel duhawm tak tak, ka thlir nin theih lohte an ni, a ti bawk.
Goulding hian a hmain a ngaihzawng hmasa Caspar Jopling lak atangin fapa Arthur, kum 4 mi ni mek a lo nei tawh a, tunah a ngaihzawng Beau Minniear nen fanu duhawm tak nei lehin, nun hlimna a tawng chho mek a ni ber.
‘Love Me Like You Do’ singer leh Minniear te hi nikum September thla khan London-ah vantlang hmaa hmuh dun hmasak ber an ni a, nikum July thla atang khan an inzui tan tawh nia sawi niin, an inzui nghet chho deuh deuh zel a ni ber rih e.