Aizawl: Thawhtanni tlai dar 5:15 vel khan C. Lalngaihsaka (22) Mualthuam North chu Mat lui, Saibuchhuah-ah chesual palhin tuiah a tla hlum.
Thudawn danin C. Lalngaihsaka hi kawng siam (company)-a thawk a ni a, Mat lui, Saibuchhuah-ah balu an la a, Thawhtanni tlai dar 5 vel khan tuia an cheng chu a thian dang pahnih nen tlain mi dang pahnih chu an hleuh chhuak thei a. C. Lalngaihsaka hian hleuh chhuak ve thei lovin a thi zui ta a ni.
C. Lalngaihsaka hian thla hmasa mai khan nupui a nei a, a nupui hian fa a pai mek nia thu dawn a ni.
A ruang hi postmortem turin Nilaini tuk khan Lunglei Civil Hospital-a lak niin, an khua, Mualthuam North-ah vui a ni.