Aizawl: Henry Lalhmingmuana, Lawngtlai III chu Zirtawpni hian Chief Minister Chawimawina Nopui hlan a ni dawn.
Chapchar Kût Organising Committee 2026 chuan Mizo nunzia chawisanna a ke pena khawtlang leh ram tana thil tha chungchuang rinawmna, huaisenna leh dikna lantirtute chawimawi nan Chief Minister Chawimawina Nopui siam nise a tih angin Henry Lalhmingmuana hnenah hian hlan a ni dawn a ni.
Henry Lalhmingmuana hi auto rickshaw khalh thin a ni a. A passenger phurin pawisa tam tham tak a theihnghilh a pek kir leh avanga a rinawmzia a lantir avangin kumin Chapchar Kût Aizawl Lammuala hmanna turah chief minister hnen atangin nopui a dawng dawn a. Trophy leh Rs. nuai 1 hlan a ni ang.
Henry Lalhmingmuana hian June 19, 2025 khan Husop Hotel-a thleng Myanmar mi chu a auto rickshaw-ah chuangin a thlah a. Hemi tum hian pawisa tam tham tak a theihnghilh a, rinawm takin sum theihnghilh chu a passenger hnenah hian a hlan lek vek a ni.