Aizawl: Mizo Hmeichhe Insuihkhawm Pawl (MHIP) chuan Mizoram Legislative Assembly-in February 24, 2026-a ‘Mizo Marriage & Inheritance of Property Amendment) Bill’ a pass tuma chief minister thusawi thenkhat chu nawt reh turin assembly speaker-ah ngenna an theh lut.
MHIP chuan house-a bill put luh chungchang a sawi zaunaah chief minister hian a bill chhunga awm si lo, Mizo hmeichhiate rilru hliamna tam tak a sawi chu speaker hnenah hian nawh reh turin an ngen a ni.
Larsap hnenah pawh he bill hi ennawna siam that a nih theih nan lehkha an theh lut bawk a, he bill-a MHIP (Mizo Hmeichhe Insuihkhawm Pawl) tih chu Mizoram Hmeichhe Insuihkhawm Pawl tih a ziah chu siam that a ni se tih an tar lang bawk.
Heng bakah hian he bill section 25-a nupa inthena bungraw insem dan tur 50/50 tih anga sawi pawh a bill-ah chuan ‘not exceeding 50%’ tih a ni a, hei pawh hi 50% tiha dah ni se an duh tih larsap hnenah an thlen a ni.
MHIP chuan 2014 bill-a awm thin paih tawh a, hmeichhe personal property humhimna kha paih lovin a hma mi ang khan kalpui leh ni se tih an thlen bawk.