Kum kalta chhunga Chief Minister Lalduhoma leh Agriculture & Farmers Welfare Minister PC Vanlalruata te lo zawhnaah vawi khat ve ve khuallianah an tang, lo zawhnaah Rs nuai 2 ve ve sorkarin a seng.
Budget Session neih meka Lawngtlai West bialtu MLA C. Ngunlianchunga zawhna, GAD changtu Chief Minister Lalduhoma’n ziaka a chhan danin ZPM kaihhruai sorkarah lo zawhnaah Chief Minister Lalduhoma leh Agriculture Minister PC Vanlalruata te chu khuallianah vawi khat ve ve an tang a. Chief Minister hi September 16, 2025-ah khan Tualpui Lo zawhnaah leh agriculture minister chu September 5, 2025 khan Hmuntha Lo zawhnaah khuallianah hian an tang.
Tualpui leh Hmuntha khua lo zawhnaah hian Rs. 2,00,000 ve ve, a vaiin sorkarin Rs nuai 4 a seng a ni.