March 16-20, 2026 chhunga khelh tur, All India University Taekwondo Championship-a tel turin Mizoram University Team chuan Inrinni khan Aizawl an chhuahsan.
MZU aiawh turte hi mipa pali leh hmeichhia pahnih niin Poomsae (Form) leh Kyorugi (fight) an khel ang.
Hmeichhe inelna hi SM University, Balesore, Odisha-ah an khel dawn a. Mipate inelna hi Dev University, Jalandhar, Punjab-ah an khel thung ang.
Mizoram team te hi ngawrh taka training an neih hnuah Doris Lalhmangaihzuali’n a hruai.
Jalandhar a khel tur:
- S.Vanlalnghaka, Armed Veng South, Govt Aizawl College
- C.Lallawmsanga, Ramhlun Sports Complex, Govt Aizawl College
- Lalrinchhana, Armed Veng, Pachhunga University College
- Malsawmzela Mualchin, Mualpui, Salem Veng, Govt Aizawl College
Balesore-a khel turte:
- Vanbiakpari , Ainawn veng, Pachhunga University College
- Rualchhingi Ralte, Zonuam veng, Govt Hrangbana College
- Doris Lalhmangaihzuali, Kanan, Coach