Mizoram Excise & Narcotics (MEN) department-in nikum khan ruihhlo leh zu vangin mi 7000 chuang an man a, 2024-a an man zat aiin a tam.
MEN department hian kum liam ta 2025-ah khan NDPS Act hmangin ruihhlo vangin mi 864 an man a, 2024-ah khan NDPS Act hmangin mi 739 an man. Nikum khan October thla thlengin NDPS Act hmang hian mi 795 an man a, 2024 kum tluana an man zat aiin nikum thla 10 chhunga an man zat kha a tam zawk.
Zu khapna dan MLP Act hmangin nikum chhung khan mi 5907 an man a, zu vanga an man pawh hi kum hmasaa an man zat aiin a tam; 2024-ah khan MLP Act hmang hian mi 5587 an man.
Mizoram Excise Act hmangin MEN department hian mi 277 an man bawk.
Belhkhawmin, 2025-ah khan zu leh ruihhlo vangin dan pathum hmangin mi 7084 an man a, dan pathum hmanga 2024-a an man kha mi 6852 an ni.
Ruihhlo a hluar a, a man theitute’n an man hnem mawlh mawlh hle. Mihring man zat pawh a pung a, hei hi thil lawmawm a ni lo. Kan ram leh hnam him nan hian ruihhlo laka insum a ngai a, do a ngai, i tang tlang ang u.