Aizawl: Japan First Secretary Tsubakimoti Mayumi, Embassy of Japan, New Delhi leh Krishna Maneesh Choudhary, Senior Assistant (Political Section), Embassy of Japan, New Delhi ten nimin khan ZPM Gen. Hqrs. office an tlawh.
Japan first secretary hi ZPM Vice President C. Lalnunnema, Treasurer Lalchhuanthanga, MLA, Lalmuanpuia Punte, MLA, Adviser to Chief Minister (Political), Malsawmzuala, Chairman Mizoram Youth Commission, KJ Lalbiakngheta, G/S leh Member thenkhatte nen President Office-ah an kawm.
An inkawmnaah hian ZPM sorkar dan te, party inrelbawl dan, Chief Minister Lalduhoma politic zinkawng te sawiho a. India leh Japan inlaichinnaah Mizoram pawimawhna te, Mizoram hmar lama tuifinriat kalpawhna siam tur te Japan first secretary hian zawtin un-employment chungchang te an sawi ho.