Mizo Film chhuak thar ‘Nula Senior’ tih film, Vanramchhuangi (Ruatfela Nu) in, “POCSO a invite avangin thuneitu hrang hrang hnenah titawp turin ka ngen,” a tih chu Mizo Film Forum (MFM) chuan hriatthiam har an tih thu an sawi.
Mizo Film Forum (MFM) chuan thuchhuah siamin reality show leh arts design kan hriat hran tawk loh avanga a pawng a taka a siamtute zah a hneka sawisel leh titawp tur khawpa ngen duhtu Ruatfela Nu (Vanramchhuangi) hian a thu post hi lo ngaihtuah tha leh se, social media-a a duh dan sawi mai lo hian, film siamtute nen sawiho a, a tha zawk ngaihtuah tlan hi kan duh dan a ni an ti.
He film ‘Nula Senior’ hi commerial leh art visual a nihna angin pawl chuan an thlawp tlat tih an sawi a. ‘Camera pakhat leh mimawl pathum a tawk’ tia film siamtute hmuhsitna chhakchhuah thuah Vanramchhuangi hian a hre sual deuh niin a lang tiin, tun dinhmunah film chang turin mimawl ten hmun an chan tawh loh thu te, film production nei tha te chuan core hawlh thlengin film siam avangin ei an hmu mek tih lo hriatsak turin an chah.
He film siam mek ‘Nula Senior’ hi a hlawhtlin ngei theih nan Mizoram Film Makers chuan an thlawp tlat tih MFM thuchhuah hian a tarlang bawk.