Mizoram Art Development Society (MADS) chuan an member Lalhmin Mawii, Chaltlang, Aizawl in ‘Women’s Award’ a dawng chu an lawmpui thu an sawi.
Women & Child Development, Social Welfare Department chuan nilaini khan International Women Day lawmna neiin, Mizo hmeichhe chhuanawm mi 40 hnenah Award hlanin, hetah hian MADS chuan an member Amoii a tel ve chu lawmawm an tih thu leh an lawmpui thu an sawi a ni.
Amoii hian Lemziah lama hlawhtlinna ropui tak a chan avangin, Chief Minister Chawimawina Nopui, Chapchar Kut-2026 Organising Committee atangin a lo dawng tawh a, NE Ambassador, International Association of Art(IAA) – India, UNESCO Official Partner hnuaia ni lai mek a ni bawk.
Amoii hi Mizo zinga Art lama thawh hlawk tak a ni a, Art Novelty Gallery, Chaltlang dintu niin Art zirna a kalpui mek a, National leh International huapin Art workshop leh Exhibition ah te vawi tam tak tel tawhin, lemziak chawimawina chi hrang hrang a lo dawng tawh a ni.