Kum 40 mi, zaithiam Carly Rae Jepsen pawh zai lamah a la inhmang vak thei dawn lo niin a lang a, a reh vang vang hnuah a naute thar nena an thlalak social media lamah a rawn tarlang.
“Khawvelah hian ka lo lawm a che. Ka nuna hun duhawm ber ka tawng mek a ni,” tiin Jepsen chuan post a siam a, a naute thar a pawm lai a tilang tel bawk.
Kum 2025 November thla khan ‘Call Me Maybe” singer hian a instagram-ah a naupai lai thlalak tarlangin, a pasal nen hun hlimawm takin a hmuah thu a lo post tawh a, a pasal chu a tana awm reng thin leh, music thlenga amah puitu a nih thu a lo sawi tawh a ni.
A pasal Cole M.G.N nen hian kum 2024 khan inzui tanin, hemi kum September thla hian inhualna an nei zui a, a hnu lawkah mi sawm bik 100 chuang nen New York City-a Chelsea Hotel-ah an innei zui a ni.