Aizawl: Adviser to CM (Finance & Planning) TBC Lalvenchhunga chuan Hnahthial-a YMA Sub-Headquarters inkhawmpui nimin khan a hmanpui.
YMA Sub-Headquarters inkhawmpui vawi khatna hi Sailoliana Run, Rawpui Field, Rawpui khuaah hman a ni a. Inkhawmpui thupui atan ‘Ruihhlo do’ hman a ni a. Ningania inkhawmpuiah hian Hnahthial district hnuaia YMA group leh branch hrang hrang te an tel.
Inkhawmpui a hmanpuinaah TBC Lalvenchhunga chuan, Mizoram chu ruihhloin a run mek thu sawiin, chhawngkaw tin deuhthaw a khawih tawh thu a sawi a. Ruihhlo do chu mi tin kut anih thu te, insum theih a pawimawh thu te sawiin, ruihhlo do kawngah YMA hmalakna chu a fakawm a tih thu leh sorkar pawhin a thawhpui nasat thu a sawi bawk.
Nimina inkhawmpuiah hian palai lawmna leh vantlang inkhawmna neih a ni a. Zirtawpni hian rorel inkhawm, hruaitu inthlan leh vantlang inkhawmin a chhunzawm ang.