Diktawn Monthly Magazine bul tuma kum tina thlan thin Miss Chapchar Kut 2026 chu Ningani zan khan Vanapa Hall-ah neih niin Miss Chapchar Kut atan Tlangnuam nula Celestina Lalchhandami chu thlan a ni.
Miss Chapchar Kut 2026 thlanna hi Chapchar Kut ni March ni 13 atang khan tan niin, hemi hi hian Top 20 leh Top 10 te thlan chhuah an ni a, Top 10 te chu March 17 khan Berawtlang Tourist Lodge-ah Interview neihpui leh niin March 19 zan khan Vanapa Hall-ah result puan leh lawmman hlanna hun hman a ni.
Miss Chapchar Kut 2026 atan Tlangnuam nula Celestina Lalchhandami chu thlan a ni. Miss Chapchar Kût title nihna thar chelhtu Celestina Lalchhandami hi Miss Chapchar Kût nihna chelh mek tu, Amy Lalthasangi’n crowning-na hun a nei.
Runners up-te :
1st Runner up – Lalnunsangi, Republic Vengthlang
2nd Runner up – Malsawmtlaungi, Thuampui
3rd Runner up ah hian mi pahnih, Lalbiakzuali, Tanhril leh Hailey Vanlalremruati, Mission veng te an ni.
4th Runner up ah hian mi panga awmin, chungte chu:
Lalengmawii,Armed Veng South
Lallawmkimi, Durtlang
R. Lalmuanpuii, Tlangnuam
Sarah Laldinpuii, Tuikual North
Zarzokimi, Ramthar North
te an ni.
Category hrang hranga lawmman la tute :
Pian nalh ber – Lalbiakzuali, Tanhril
Most Intelligent – Malsawmtluangi, Thuampui
Zo thuam inhmeh ber – Sarah Laldinpuii, Tuikual North
Miss Multimedia – Celestina Lalchhandami, te an ni.
Miss Chapchar Kut hian lawmman atan pawisa fai Rs. 50,000/- dawngin, 1st Runner Up hian Rs. 20,000/- a dawng a, 3rd Runner up te hian Rs. 12,000/- dawngin, 4th Runner up te hian Rs. 10,000/- theuh an dawng bawk. Heng bakah hian Miss Chapchar Kut Top 10 te hian lawmma atan Citation, Photo Frame leh thilpek dang an dawng bawk a ni.