Aizawl Electric Venga zirlaiten an zirlai bu hlui an thawh khawm chu Inrinni khan a duh apiang lak theih turin an branch YMA Literature & Education Sub-Committee-in Sakawrpuluiah an sem.
Zirlai bu hman hnu la thate hi zirlaiten chawlhkar kalta chhung khan E-YMA section hruaitute hnenah an pe a, a thlawnin a mamawhtute hnenah YMA chuan a sem chhuak leh a. Zirlai bu hi Electric Veng chhung leh veng pawn atangin mi eng emaw zatin an la a ni.
Kum 2024 leh 2025 khan zirlaibu hlui sem hi hlawhtling takin an lo kalpui tawh a, kumin hi a kum thumna a ni.