Kirsten Dunst chu lemchan lama a reh vang vang hnuah thawm rawn nei lehin, Minecraft movie-ah a inlan dawn a, a tan chuan a ‘dream came true’ a nih thu a sawi.
Kar tawp khan he thu hi a social media lamah Dunst chuan post in, a duhthusam hlawhtlinna a hmuh thu a sawi a, kum 43 mi lemchanthiam chuan, ka fate lawm zawng a lo ni kher bawk nen, ka tan chuan duhthusam hlawhtlinna a ni, a ti.
Spider-Man star hian sum ka chan phahna tur pawh nise chang tura min sawm tirh khan ka aw nghal tho ang, a hlawhtlin phei chuan ka lawmna a zual bawk ang, tiin a sawi a. A faten an ngainat em avanga a film pawh chang thei leh duhna thinlung nei a nih thu sawiin, ka tan chuan chawi belh pawha chang ngei ngei tur ka ni zawk, tiin a film chan thar chu nuam a tih thu a sawi a ni.
Minecraft movie hmasa chu nikum April thla khan theatre-a a chhuah tan a ni a, box office lamah pawh a sum laklut hi tam nghal hle in, dollar tluklehdingawn khat vel a lalut tawh a ni.
Minecraft-2 pawh hi hlawhtling leh hle tura ngaih a ni a, Dunst bakah hian Jason Momoa, Jack Black leh Danielle Brooks te chu inlan leh tur langsar niin an sawi.