Aizawl: Inrinni thleng awh tur, Keilungliah, Champhaia Nghakuai Chiah Rûnpui 2026 (Fish Festival) chu Ningani khan hawn a ni.
District Fisheries Development Office leh Keilungliah Reservoir Management Committee tangkawpin buatsaih festival hawnna inkhawm hi District Fisheries Development Officer Lalremsangpuii’n a kaihruai a, PHE EE Er. Jerome Lalremtluanga’n Keilungliaha hma lak dan hrang hrang leh a chungchang sawiin Mizoram Angling Association hotuten thu an sawi bawk.
Keilungliah Nghakuai Chiah Rûnpui a tel tur hian Mizoram hmun hrang hrang atangin a chiah thinte an kal khawm bakah a hmunah puanin kaiha riah chilh an awm bawk a, ei tur leh inthiarna siam a ni a, nghakuai lei tur a hmunah hian a awm bawk a ni.
Inrinnia festival kharna chu Fisheries Minister Lalthansanga’n a hmanpui ang.