Ningani atanga tan tak, Chhattisgarh-a 1st Khelo India Tribal Games-a tel turin Mizo infiam mi thahnem takin inelna tur hmun an thleng tawh a. Inelna hi Pathianni thleng awh tur a ni.
Chhatishgarh-a an khawpui lian zual pathuma inelnaa tel turte hi trial paltlang vek an ni a. Mizoram atangin football (mipa), hockey (hmeichhia), weightlifting leh wrestling-ah inelna hmachhawn a ni ang.
Weightlifting-ah hian hmeichhe rit chawi chak panga leh mipa pariat an inlan dawn a, category hrang hrang parukah an inlan ang a. Infiam mite hi coach, manager leh physio ten an hruai.
Wrestling team pawhin Ningani khan inelna an neihna hmun tur, Sarguja district khawpui, Ambikapur an thleng a. Infiam mi hmeichhia pathum leh mipa pakhat an kal a. Coach pahnih leh manager-in a ho a ni.
Wrestling hi inelna neih a nih hmain Wrestling Federation of India (WFI) buatsaih referee clinic neih a ni bawk.
Mizoram Wrestling Association (MWA)-in infiam mi a tirhte hi Mizorama wrestler tha ber berte an ni a. Hmeichhiate hi Mizo inchai Nute champion lai, Lalvenhimi; Mizo inchai nulaihawl champion lai, Elizabeth Rohlupuii leh Mizo inchai nulian champion, Lalhmangaihsangi lai te an ni a. Mipa awmchhun, Jacob Vanlalrinliana pawh la naupang tak, hmabak nei êng tak a ni.
Wrestling-a Mizoram aiawh turte hi February thla khan New Delhi-a India pum huap trial paltlang an ni a, tun tum inelna hi India-a tha zual pariatte inelna tur a ni.
Wrestling bik hi March 28-31, 2026 chhungin Ambikapur-a Gandhi Stadium-ah neih a ni ang.
WEIGHTLIFTLING:
Hmeichhia
48kg – Zosangpuii, KISCE, Aizawl
53kg – Lalngaihawmi, KISCE, Aizawl
58kg – Cindy Rosangkimi, KISCE, Aizawl
77kg – Vanlalrinzuali, KISCE, Aizawl
+86kg – Zosangzuali, KISCE, Aizawl
Mipa
60kg – Isak Malsawmtluanga, NCOE, Imphal
65kg – Laithanpuia, MSSC, Aizawl, Ramhlun
71kg – Silvan Beirothatlo, KIC, Pune
79kg – Lalfakawma, MSSC, Aizawl & Jacob Vanlaltluanga, KIC, Pune
110kg – K.Zomuanpuia, KISCE, Aizawl, Mualpui & David Lalzawmdika, NCOE, Imphal
+110kg – David Zohmingmawia, NCOE, Imphal
Coach – Vanlalchhanhima Parte, PCA, Champhai Ruantlang
Manager – Malsawma Khiangte. SYS
Physio – Angie Lalnunpuii, KISCE, Physiotherapist
WRESTLING:
Lalvenhimi, Bethlehem
Elizabeth Rohlupuii, Melriat/Bawngkawn West
Lalhmangaihsangi, Dilkhan
Jacob Vanlalrinliana, Venghlui
Coach – C. Lalhmunfela, NIS & H Lalhmingmawii, NIS
Manager – Hmangaihhlima, Jt. Secretary, MWA