Ballon d’Or hi thilphal taka mi pek mai mai chi a ni lo va; mahse, Luka Modric chuan chawimawina ropui a lo dawn tawh hi AC Milan hnenah a hlan.
Croatian midfielder hian a thil tih ropui takah a 2018 Ballon d’Or chu Milan hnenah a hlan tawh a, fan-te tan football khawvela chawimawina sang tak hi hnai taka en theihna hun remchang a siamsak a. Trophy hi Casa Milan chhunga club museum-ah pho chhuah a ni ang a, Modric-a football zin kawng entirna exhibition bikah a tel dawn a ni.
A thil tih chhan sawiin Modric chuan, “He jersey ka hak tirh ber ni atang khan thil danglam tak ka hria a, ka tan chuan he club-a khelh hi duhthusam tihpuitlinna a ni a. Ka Ballon d’Or hi kan fan-te, inkhelh apianga min thlawp tlattute nena kan intawm a ni a, an tan ka hlan ve ta a ni. Forza Milan!” a ti.
He exhibition-ah hian a vanglai chanchin tarlangtu thu leh thlalakte chhawp chhuah a ni ang a, club-in an tar lan angin a naupan tet atanga Milan nena an inzawmna thuk tak pawh tarlan a ni bawk ang.
Modric-a’n kum 2018 a Ballon d’Or a la kha football chanchina hriat reng tur a ni reng a. A teammate hlui, Cristiano Ronaldo khumin he lawmman hi a la a, Ronaldo leh Lionel Messi te thuneihna kum 10 chuang awh tawh kara lang thei hmasa ber a ni.
Kha mi kumah khan Croatia chu FIFA World Cup final-ah a hruai thleng a, a zawnin vawi thum lai UEFA Champions League nomawi a la bawk a, mi ropui ber berte zingah a hming a tel theih phah a ni.