Aizawl: Agriculture & Farmers’ Welfare Department Minister PC Vanlalruata’n Kerala-a Cocoa chinna hmun hrang hrang tlawhin, Mizoramah pawh hlawhtling taka chin ve theih a beisei thu a sawi.
Minister hian Kochi (Cochin), Kerala bul hnaia khaw pakhat, Kurisumooti, Kattayam hmun vela Cocoa an chinna hmun hrang hrang tlawhkualin, cocoa an chin dan a zirchiang a. Kerala-a cocoa chingtu langsar zualte zinga mi Dominic Sebastian chuan an cocoa chin te kawhhmuhin a hruai kual a. Cocoa hi Kerala-ah hian altitude 500 metres hnuai lama awm ramah te an ching nasa ber a. Kuhva, coconut, rubber leh oilpalm kung karah te an ching nasa hle a. Mizoram chhunga altitude 500 metres chinah pawh cocoa hi hlawhtling taka chin theih ngei beisei tih a sawi.
Minister hi Agriculture & Farmers’ Welfare Department Secretary Ramdinliani, Tlangtimawia Zote, Consultant leh Lalrinzuala, ADAO ten an tawiawm a ni.