Aizawl: Mizoram Civil Pensioners’ Association (MPCA)-in dinhmun chhe zawka dah duh lo va, Mizoram Universal Health Care Scheme (MUHCS) 1.0 hmantir leh an ngiat.
MCPA chuan Inrinni khan Vana Pa Hall-ah Emergent Special Assembly neiin MCPA President Prof. Lianzela kaihhruaina hnuaiah MUHCS 2.0-a pensioner-te dinhmun danglam ta chungchang an sawiho.
MUHCS hman mek aia dinhmun chhe zawk daiha dah an ni chu hriatthiam har an tih thu leh MUHCS 1.0-a an hamthatna an dawn angte dawn let leh an duh thu te an sawi hlawm.
Resolution siamin, “MUHCS 2.0-a pensioner-te dinhmun min siamsak dan hi tha tawk lo hlein kan hria a, MUHCS 1.0 kha min hmantir leh turin sorkarah ngen nise kan ti a, MUHCS zawm theih hun atan May, 2026 thleng hun min pawh seisak rawh se,” an ti.
Sorkara ngenna an thlen bawhzuia an thil phut a hlawhtlin ngei theih nana hma la turin working committee an din a, committee member tur an ruat nghal.