Aizawl: ZPM Media Committee Chairman B Lalchhanzova chuan ram rawng an bawlnaah Mizoram tan thil tha tam tak an tih mek thu a sawi.
Bung Bangla-a Tuma Resort-ah ZPM Aizawl North-II Block Conference a hmanpuinaah supply minister ni bawk, B Lalchhanzova chuan, “Ram rawng kan bawlnaah hian kan ram tan thil tha tam tak kan ti mek a ni. Kum hnih chhung lek rorelna kan chan ve chhung hian kan sorkar hma leh tuna a danglam tak dan hi i en let fo ang u,” a ti.
Sorkar hmasa nen an khaikhin zel dawn tih sawiin B Lalchhanzova chuan, “Kum 37 sorkar tha lo mizia kha kan sawi lan fo a ngai. Eng chen nge kan hlawhtlin tawh le? India rama state zinga eiruk tlemna lamah Kerala state nen pakhatna kan ni mek a ni,” a ti a. An duhthusam la thleng lo mah se, Mizoramin hawi lam a nei tawh hi a ropui tiin, ram rorelnaa hmasawnna hmuh tur tam tak a awm chu lawmawm a tih thu a sawi.
“India ram hruaitute an thiama vawiin thlengin LPG-ah harsatna em em awm lovin kan la awm lo a. In zarah bialtu MLA tha tak, education minister kan nei a, ai kal lak tihbote hi Nagaland leh Manipur state ten mak tiin an incho tawn mek a ni,” B. Lalchhanzova chuan a ti.
ZPM Aizawl North – II Block Conference-ah hian Dr. Vanlalthlana, Education etc. minister chu khualzahawm niin hun a hmanpui bawk.