Tun hnaiah ruah bawhawk a rawn awm tan a, ruah leh thli rawn thawk hian Aizawl khawpui chhungah tuihawk luankawrte rawn thuahfaiin khawpui chhungah thil tawp tak tak a rawn lenchhuak leh nual mai a, a zia lo hle.
Smart City tia kan insawi chhoh mek lai hian vawikhat ruahtui bawhawk pawh zo lo khawpin kan la tawp ru hle a, kan chenna chhehvel kan la vawnfai tawk lohzia a lang hle a ni.
Leimin leh chhiatna thleng hriat la ni lo mahse, ruah sur hian khawpui chhunga hnawmhnawkte a lenchhuak a, hmun thenkhatah chuan kawngahte dah chhuakin, faina kawngah kan la hniam zia a lang leh thin.
Faina kawnga theihtawpa hma kan lak mek lai hian kan la tlin tawk loh zia a lang leh thin a, hemi kawngah hian hmasawnna tur kan la ngah hle mai. Heng kan hnawmhnawkte hian Tlawng lui a thleng thla thuai dawn tih a chiang a, kan hriselna atan hlei hlei a la tha lo lehzel nen. Mipuite fai leh thianghlim turin inzirtir kan la ngai nasa hle.
Sorkar hian a ler atanga thuai mai lo hian vawikhat ruahtui tlak pawha kan fai vang reng theihna turin a hniam ber atanga tanin hma la thei se, inzirtir leh hmasawn kawngah tan i la thar zual teh ang u.