Spider-Man: Brand New Day chuan chhuah a nih hma hauh atangin record a siam nghal a, March 17 khan a trailer tihchhuah niin, view-tu tluklehdingawn 1.1 an tling tawh.
WaveMetrix tarlan danin, hei hi movie trailer entu tam ber an ni a, milestone paltlang hmasa ber a ni bawk a ni.
Superhero movie hian darkar 24 chhungin views maktaduai 718.6 a nei hman a, hei ringawt pawh hi tam hem hem tawh tak a ni bawk.
Spider-Man: Brand New Day-ah hian Tom Holland chu a changtu ber Peter Parker a ni leh dawn a, a bialnu M.J ah Zendaya a chang leh dawn bawk. Thil thar hmuhnawm tak an rawn keng tel dawn niin a buatsaihtute chuan an sawi.
Spider-Man: Brand New Day hi July 31, 2026 atangin theaters lamah chhuah tan a ni dawn a, kumin chhung chuan kan en theih ngei dawnin a lang ta.