Aizawl: Kolasib Bawrhsap Lalmuan Puia’n Mizoram leh Assam ramri hrulah fimkhur turin mipui ngen.
Nimina thuchhuah a siamah Kolasib Bawrhsap hian, tun hnai maia thenawm Assam state-in inthlanpui an hmachhawn dawn avangin, Election Commission of India (ECI) inkaihhruaina hnuaiah state inrina (Inter-State border) huam chhungah venhimna uluk zawk leh khauh zawka kalpui mek a ni a, duty leh patrolling te pawh neih uar a nih avangin, ramri hrula khawsa leh veivak thinte pawh fimkhur thiam tur leh thil pawi thleng thei laka inveng theuh turin mipui a ngen.
March ni 29, 2026 zana Bairabi Zophai-a boruak tha lo tak thleng kha Kolasib District Administration chuan pawi a tih thu tar langin, hetiang thil duhawm lo hi a thlen nawn tawh loh nan District Administration chuan a tul ang zelin hma a la chhunzawm dawn tih a tar lang.
District Magistrate chuan mipuite pawh thlaphang lova thlamuang taka awm tur leh District Administration leh sorkar hmalaknate thlawp a, theihtawp chhuah tlang theuh turin mi tin a ngen bawk.