Hmalakna lian tak pakhatah 2026 World Cup-a hun khawhral tihtawp nan FIFA chuan dan thar a pawm.
Kum tam tak chhung chu khawvel huap leh club football bakah World Cup inkhel thleng pawhin hun khawhral hi thil hluar tak a ni a. Hei hi player inthlak lai te, team chak zawkte atangin player-in khelmual an chhuahsan nana hun an hman rei lutuk thin vang leh player-ten hliam tuar der an chin thin vang a ni.
2026 FIFA World Cup hi USA, Canada leh Mexico ten an thleng ho dawn a. June 11-ah intanin final hi July 19-ah khelh a ni ang.
Dan thar ang chuan player thlak turte chuan second 10 chhungin khelmual an chhuahsan tur a ni a, chuti a nih loh chuan a thlaktu tur khan khelmuala luh nan minute khat a nghah a ngai ang a. He mi rual hian throw-in (theh) pawh second nga chhunga tih tur a ni a, chu aia rei hun an hmang a nih chuan ball chu lehlam pawl hnenah pek a ni ang.
Player-in khelmual chhungah enkawlna a dawn chuan khelmual chhung a luh leh hmain minute khat chhung chu pawnah a awm tur a ni a. Tihsual chiang tak a awm a nih chuan VAR pawhin yellow card vawi hnihna leh corner kick a endik thei bawk ang.