Aizawl: Hulhliap Short Stay Centre chhuakte tana a thlawna ‘Skill Training – Plumbing General leh Assistant Electrician’ kharna leh certificate hlanna chu Thawhtanni khan neih a ni.
MFM Skill Training Centre, Dawrpui Vengthar-a hun hmanah Vanlalhruaii, Member Secretary, Task Group on Aftercare, Skill Training & Handholding, Hulhliap-SSC in kaihruai a, Dr. Lalhmuchhuaka Vice President Indian Medical Association, Skill Training & Handholding, Hulhliap-SSC in bakah Plumbing trainer Gideon Vanlalruata’n thu a sawi bawk.
MFM Director Upa Dr R Vanlalzauva sawi danin, tun tumah hian Hulhliap SSC chhuak mi 13-ten assistant electrician zir chhuakin mi pakuain plumbing general training an zo a. An vaiin mi 22 hnenah certificate hi hlan an ni.
March 16 atang khan Assistant Electrician leh Plumbing General hi an tan a. Trainer Lalremruata (Electrician) leh Gideon Vanlalruata (Plumbing trainer) ten training an pe a ni.
Vanlalhruaii, Member Secretary, Task Group on Aftercare, skill Training & Handholding, Hulhliap-SSC in inkhawm kharna hun a hmang a ni.
Tun thleng hian Hulhliap SCC chhuak mi 118 hnenah certificate sem chhuah a ni tawh.