Aizawl: National Students’ Union of India (NSUI) Mizoram chuan Mizoram chhunga college, university leh zirlai pawl hrang hrang hruaitute tan Students’ Leaders’ Meet 2026 an buatsaih.
Bungkawna MPSOA Guest House-a hun hman hi NSUI Mizoram Vice President Darhmingliana’n a kaihruai a. C. Lalhriatpuia, President, NSUI in inlawmna thu sawiin, zirlai te chuan Mizoram dah pawimawh hmasak a tul thu te, college kal tawh chin zirlai te chuan Mizoram issue te leh thudik hriat tuma an zawn chu an tih tur a nih thu a sawi.
Dr Rohmingmawii, Associate Professor, Dept of History, PUC chu Resource Person niin, zirlai tana thu tangkai tak tak a sawi a. Zirlai hruaitute fuihna thu a sawi bawk.
Students’ Leader’ meet 2026 ah hian Mizoram University, ICFAI University, Mizoram Law College leh Aizawl chhunga college 10 zirlai hruaitu (Students’ Union Leaders)-te bakah MZP, MSU leh SSU hruaitute an tel a ni.