Aizawl: Chief Minister Lalduhoma chuan 16th Finance Commission-in kum nga dang lo awm leh tura sum dawn tur an relnaah India rama state dawng hnem ber palina an ni thei tih a sawi.
Hrangturzo Bial West Block ZPM Conference leh Political Training, Hriangtlang khuaa Nilainia neiha khuallian nia a hmanpuinaah Chief Minister Lalduhoma chuan, tun lai hian eptu lamin ZPM hi an kuhmuna par anga sawiin, sorkar sorkar hmalakna tam tak an lo ruahman sa niin an sawi thin tih a sawi a. ZPM sorkar chu Pathianin mal a sawm a, an sorkar hlawt a, hlawtlinna tam tak an chang nghal tih sawiin, “Congress leh MNF te kha an lo kuhmum rei lutuk a, keini erawh chu kuhmum hman meuh lovin kan par nghal mawlh mawlh mai a ni,” a ti.
Lalduhoma chuan Hriangtlang khua chu an kawng, PMGSY atanga siam chu hna thawktute vil hun a tawp tawh vangin sorkarin a siamna tur sum tam tak a dah thar tih a sawi a. Piler leh Hmunzawl atangtea kalpawh mai theih turin hma lak mek a ni tih sawiin, “Bialtu MLA tha tak leh viak tha tak, sorkarin kawng tam takah, a bikin Zohnahthlak unaute nena kan inlaichinna kawngah te, kan chheh vel state-a hel thlenga sorkarin a dawrna kawnga kut ke bera kan hman, hlemhletna kawnga fihlim leh MLA rilru tluang tak in nei hi ka lawmpui che u a, hun lo kal zelah lo duhsak zel turin ka ngen che u a ni,” a ti.
Chief minister chuan Pathian malsawmna an dawng nasa tih sawiin, sum an enkawl thiam avangin Efficiency-in Financial Management ah Rs nuai 35,000 an dawng a, GPF-ah sorkar hna thawk a mamawh apiang an pe a, pension 30,000 dawn an tih felsak bawk a. 16th Finance Commission-in kum nga dang lo awm leh tura sum dawn tur an relnaah India rama state dawng hnem ber palina an ni thei tih a sawi.
Inkhawmah hian khualzahawm Lalmuanpuia Punte, Hrangturzo bialtu MLA ni bawk pawhin thu a sawi.