All Mizoram Vawk Vulh Association (AMVVA) chuan state pawn atanga vawk lak luh an khap.
Nimina thuchhuah an siamah AMVVA chuan, tun hnaiah Mizoram chhungah African Swine Fever (ASF) a lo leng leh tan ta a, state pawn a vawk lakluh atanga ASF hi darh ni ngei a rin a ni a, hri hi Mizoramah a pun darh zel loh nan April 1, 2026 atanga thu leh awm hma chu state pawn atanga vawk lakluh an khap tih an tar lang.
AMVVA chuan ASF darh zel loh nan hian January 20, 2026 khan Serchhip District Magistrate-in khapna thupek hmangin state dang atanga vawk lak luh khapna a lo chhuah tawh a. Chutihrualin, tun hnaiah Serchhip district huam chhungah vawk tam tak ASF avangin thi an awm hi a pawi an tih thu leh, ASF hri hi a darh zel lohna turin state pawn atangin vawk engmah lak luh phal a ni lo va. AMVVA chuan he thuchhuah bawhzui hian thu zawm lo apiangte chungah a tul angin hma na taka an lak tur thu an tar lang bawk.