‘The Mummy’ director Alex Kukrtzman chuan 2017 kuma a film siam chu mimal leh hna chungchanga a hlawhchhamna lian ber a nih thu a sawi.
Superstar Tom Cruise channa ‘The Mummy’ film khan khawvel pumah $maktaduai 410 lalut mah se, Universal Studios-in $Maktaduai 95 zet a hloh tho a, awmzia a neih loh bakah leiba nen an thu a ni deuh ber.
Action-adventure film-ah hian milar tak tak inlan nual mah se, an chetthatpui lo hle, tihna a ni.
“Hlawhtlinna atang hian engmah zirlai zir tur a awm lo, an tih fo hi chiang fek fawkin ka hriatthiam phah.
“Hlawhchhamna atang zawk hian hringnun zirlai kan zirchhuak zawk thin,” tiin a tawnhriat hi Kurtzamn hian an kawmna pakhatah a sawichhuak.
“Kawng lehlamah chuan khati anga tihsual leh tih dik loh neih theihna remchan ka nei kha a lawmawm tho chuan ka hria.
“A chhan chu, mi khauh zawkah min siam a, fim siamtu tana hmathlir fiah zawk min thlen,” a ti bawk.