Aizawl: Rengdil Arecanut Farming Co-operative Society Limited chuan an chhinchhiah danin, kum 2025 season chhungin kuhva hralhna atangin Rs 10,36,82,000 an la lut.
Inrinni khan Rengdil Community hall-ah General Body meeting neiin, he huna an tar lan danin Rengdil Arecanut Farming Co-operative Society Limited chuan chuan, kum 2025 chhungin kuhva an hralhna atangin Kawn veng-in Rs 2,17,70,000; Diakkawn-in Rs 3,85,98,000; Hmuntha Vengin Rs 3,05,40,000; Hmunthatlangin Rs 65,69,000; Dinthar Vengin Rs 10,75,000-in an la lut a. Bag mak hralhna hi Rs 26,30,000 leh Kuhva a ro a hralhna Rs 25,00,000, a vaiin Rs 10,36,82,000 an la lut.
Hachhek Bial Kuhva Chingtu Pawl (HBKCP) in Hachhek bial chhunga kuhva man tel tam top 10 a thlanchhuah chhungkaw 15 atangin Rengdil khua mi pariat an lang bawk.
RAGCOS member hi chhungkaw 198 an ni mek a. An member la ni ve lo te pawh kuhva hralh dan system leh an mamawhnaah pawh a tul anga thawhhona tha tak a kalho zel an ni a. Tunah hian RAGCOS limited te chuan member mamawh te hnenah loan chhungkaw pathum hnenah an pe chhuak mek bawk a, tunah society sum dinhmun chu Rs 3,09,320 a ni.